वीरगंज - पर्सा जिल्लाको जगरनाथपुर गाउँपालिका–५, मसिहानी टोल नजिकको सिक्टा नदीमा ऋषिपञ्चमी नुहाउन गएका दुई बालकको डुबेर मृत्यु भएको छ।
मामाघर आएका बालकको दुर्घटना
प्रहरीका अनुसार, भारतको बेनिया बनकट निवासी १० वर्षीय गुलसन ठाकुर हजाम र भारतको सिक्टा निवासी ८ वर्षीय अविषेक पटेल मामाघर आएका बेला आमासँगै ऋषिपञ्चमी नुहाउन सिक्टा नदी गएका थिए। सोही क्रममा नुहाउने क्रममा दुवै बालक खोलामा डुबेर ज्यान गुमाएका हुन्।
बालकको शव पोष्टमार्टमका लागि पठाइयो
प्रहरीले दुवै बालकको शव पोष्टमार्टमका लागि नारायणी अस्पताल, वीरगंज पठाएको छ। घटनाबारे थप अनुसन्धान भइरहेको पर्सा प्रहरीले जनाएको छ।
