काठमाडौं – यूईएफए नेसन्स लिग लिग ए अन्तर्गत समूह एकको खेलमा पोर्चुगलले स्कटल्याण्डलाई २-१ ले पराजित गरेको छ।
रोनाल्डोको निर्णायक गोल
क्रिस्टियानो रोनाल्डोले ८८औं मिनेटमा निर्णायक गोल गर्दै पोर्चुगललाई पुनरागमन जित दिलाए। खेलको सातौं मिनेटमा स्कट म्याकटोमिनेले स्कटल्याण्डका लागि गोल गर्दै अग्रता दिलाएका थिए, तर स्कटल्याण्डले त्यो अग्रता लामो समयसम्म कायम राख्न सकेन।
ब्रुनो फर्नान्डेजको बराबरी गोल
५४औं मिनेटमा पोर्चुगलका ब्रुनो फर्नान्डेजले गोल गर्दै खेललाई १-१ को बराबरीमा ल्याए। त्यसपछि खेलको अन्तिमतिर रोनाल्डोले निर्णायक गोल गर्दै पोर्चुगललाई जित दिलाए।
समूहको शीर्ष स्थानमा पोर्चुगल
यो जितसँगै पोर्चुगल लगातार दुई खेल जितेर ६ अंकसहित समूहको शीर्ष स्थानमा पुगेको छ।
क्रोएसियाको जित
यसै समूहको अर्को खेलमा क्रोएसियाले पोल्याण्डलाई १-० ले पराजित गरेको छ। क्रोएसियाका लागि लुका मोडरिचले एक मात्र गोल गर्दै टोलीलाई जित दिलाए।
यो जितपछि क्रोएसियाले ३ अंक जोड्दै दोस्रो स्थानमा उक्लिएको छ भने पोल्याण्ड ३ अंक नै भए पनि गोल अन्तरका आधारमा तेस्रो स्थानमा पुगेको छ।
