भारतको उत्तर प्रदेशस्थित मुजफ्फरनगरमा दिल्ली-देहरादून राष्ट्रिय राजमार्ग-५८ मा एउटा भीषण सडक दुर्घटनामा चार जनाको मृत्यु भएको छ। अलीगढबाट उत्तराखण्डको औली घुम्न जाँदै गरेका युवाहरुको कार सडक किनारमा रोकिराखेको ट्रकमा ठोक्किएपछि यो दुःखद घटना भएको हो।
गाडीको ठक्करले चार जनाको मृत्यु
दुर्घटनामा भोला, जुगल, राहुल, र गिरीशको मृत्यु भएको छ भने मनोज, राजू र अर्का एक साथी घाइते भएका छन्। गम्भीर घाइतेलाई मेरठको हायर सेन्टरमा रेफर गरिएको छ। दुर्घटना पचेंडा ओभरब्रिज नजिकको नयाँ मण्डी कोतवाली क्षेत्रमा भएको बताइएको छ।
चालकलाई निन्द्रा लाग्दा दुर्घटना
मिडिया रिपोर्ट अनुसार, कारमा सवार एक युवकले घटनाको समय बिहान सबैलाई निन्द्रा लागिरहेको थियो भने अचानक ठूलो आवाजले आँखा खुलेको बताए। जब उनीहरुले हेरे, कार अगाडिको ट्रकमा ठोक्किइसकेको थियो। गाडीमा पछाडि बसेका तीन जना बचेका छन् भने अगाडि बसेका चार जनाको घटनास्थलमै मृत्यु भएको छ। घटनाको जानकारी पाएपछि स्थानीयहरुले प्रहरीलाई खबर गरेका थिए।
प्रहरिको प्रतिक्रिया
नयाँ मण्डीकी सीओ रूपाली रावका अनुसार, “हामीलाई बाईपासमा ट्रक र अर्टिगा कारबीच दुर्घटनाको सूचना प्राप्त भयो। सूचना पाएपछि प्रहरि र एम्बुलेन्स तत्काल घटनास्थलमा पुगेका थिए। कारमा ६ जना यात्रु र चालक थिए, जुन ट्रकसँग ठोक्कियो। दुर्घटनामा चार जनाको मृत्यु भएको छ र दुईजना घाइते भएका छन्, जसको जिल्ला अस्पतालमा उपचार भइरहेको छ। घटनामा संलग्नलाई कानुनी कारबाही गर्न दुई टोली गठन गरिएको छ।”
