काठमाडौं - आज देशभर आंशिकदेखि साधारणतया बदली रहने मौसम पूर्वानुमान गरिएको छ। जल तथा मौसम विज्ञान विभाग, मौसम पूर्वानुमान महाशाखाका अनुसार, विशेषगरी कोशी, मधेश, बागमती, र गण्डकी प्रदेशका केही स्थानमा मेघ गर्जन र चट्याङ्गसहित हल्कादेखि मध्यम वर्षाको सम्भावना छ।
भारी वर्षाको सम्भावना
कोशी, मधेश, बागमती, र गण्डकी प्रदेशका एक-दुई स्थानमा भारी वर्षा हुने सम्भावना रहेको छ।
रातिको मौसम
आज राति पनि देशभर आंशिकदेखि साधारणतया बदली रहनेछ। विशेषगरी कोशी र गण्डकी प्रदेशका केही स्थानमा मेघ गर्जन र चट्याङ्गसहित हल्कादेखि मध्यम वर्षाको सम्भावना छ।
हावाहुरीको सम्भावना
कोशी प्रदेशको तराई क्षेत्रका थोरै स्थानमा हावाहुरीको सम्भावना रहेको विभागले जनाएको छ।
