धनगढीको मोहना नदीमा आएको बाढीले सशस्त्र प्रहरीको सीमा सुरक्षा पोस्ट (बीओपी) को भवन बगाएको छ।
बाढीले दुई भवन बगायो
शुक्रबार राति परेको भारी वर्षासँगै आएको मोहना नदीको बाढीले धनगढी उपमहानगरपालिका–१९ लल्लिपुरस्थित सशस्त्र प्रहरीको बीओपीका तीनमध्ये दुई नयाँ भवन बगाएको हो।
सामुदायिक भवनमा स्थानान्तरण
जिल्ला प्रहरी कार्यालय कैलालीका प्रमुख एसपी पदमबहादुर बिष्टले बाढीका कारण पुरानो भवन पनि जोखिममा परेको र बीओपीलाई सामुदायिक भवनमा सारिएको जानकारी दिएका छन्।
बाढीको निरीक्षणमा प्रहरी टोली
बाढीले क्षति पुर्याएपछि घटनास्थलमा जिल्ला प्रहरी कार्यालयका प्रहरी वरिष्ठ नायब निरीक्षक खेमराज पन्तको नेतृत्वमा प्रहरी टोली खटाइएको छ।
