अमेरिकन फुटबल लिग एमएसएलमा इन्टर मियामीका कप्तान लिओनल मेसीले दुई गोल गर्दै फिलाडेल्फिया युनियनविरुद्धको खेलमा टिमलाई ३–१ को जित दिलाएका छन्।
खेलको शुरुवातमा पछि परेको इन्टर मियामी
खेलको सुरुवाती ५४ सेकेन्डमै गोल खाएर पछि परेको इन्टर मियामीलाई मेसीले २६औँ मिनेटमा गोल गर्दै खेलमा फर्काए। त्यसपछि ३०औँ मिनेटमा मेसीले अर्को गोल गर्दै टिमलाई २–१ को अग्रता दिलाए।
मेसीको असिस्टमा सुआरेजको गोल
खेलको अन्त्यतिर मेसीको असिस्टमा लुइस सुआरेजले गोल गर्दै मियामीलाई ३–१ को जित सुनिश्चित गरे।
मियामीको लिग तालिका
यो जितसँगै इन्टर मियामीले २८ खेलबाट ६३ अंक जोडेको छ, जसले दोस्रो स्थानमा रहेको टिमभन्दा मियामीलाई दश अंकले अघि राखेको छ।
चोटपछिको मेसीको पुनरागमन
अर्जेन्टिनाका कप्तान मेसीले गत १४ जुलाईमा कोपा अमेरिकाको फाइनलमा कोलम्बियाविरुद्ध खेल्दा खुट्टामा चोट बोकेका थिए। चोटका कारण दुई महिना मैदान बाहिर रहेका मेसी पुनरागमनसँगै आफ्नो पुरानो लयमा फर्किएका छन्।
