पश्चिम नवलपरासीको बर्दघाट नगरपालिका–४ दाउन्ने जंगलमा भुस बोकेको ट्रकमा आगजनी भएको छ।
जिल्ला प्रहरी कार्यालयका अनुसार पूर्व–पश्चिम राजमार्गमा भैरहवा, रुपन्देहीबाट कुरिनटार, चितवनका लागि जाँदै गरेको लु।२ख ५१३७ नम्बरको ट्रकमा आज बिहान १० बजेतिर आगजनी भएको हो।
इन्जिन तात्नाले आगो सल्क्यो
प्रहरीका अनुसार ट्रकको इन्जिन तात्न थालेपछि अचानक अगाडिको भागबाट आगो सल्किएको थियो, जसले गर्दा ट्रकमा भुससमेतमा आगजनी भएको छ। यस आगजनीबाट ट्रक पूर्ण रूपमा क्षति भएको छ।
दमकल र स्थानीयको सक्रियता
बर्दघाट नगरपालिकाको दमकल, प्रहरी र स्थानीय बासिन्दाले मिलेर आगो नियन्त्रणमा लिएको बताएका छन्। घटनाको पूर्ण विवरण आउन बाँकी रहेको र अनुसन्धान भइरहेको प्रहरीले जानकारी दिएको छ।
