काठमाडौं - भुटानमा जारी साफ यु-१७ च्याम्पियनसिप अन्तर्गत समूहको अन्तिम खेलमा नेपालले आज घरेलु टोली भुटानसँग प्रतिस्पर्धा गर्दैछ। थिम्पुस्थित चाङलिमिथाङ स्टेडियममा हुने यो खेल नेपाली समय अनुसार साँझ ५:४५ बजे सुरु हुनेछ।
सेमिफाइनलको लागि जित्नैपर्ने
समूह बी मा रहेको नेपालले यसअघिका दुई खेलमध्ये एकमा जित र एकमा हार निकालेको छ। सेमिफाइनल पुग्नका लागि आजको खेलमा नेपालले भुटानलाई हराउनैपर्ने स्थिति छ।
भुटान र पाकिस्तानले समान ४ अंक जोड्दै अपराजित रहेका छन् भने नेपालले दुई खेलबाट ३ अंक बटुलेको छ। भुटान गोलअन्तरमा शीर्ष स्थानमा छ भने पाकिस्तान दोस्रो स्थानमा छ, नेपाल तेस्रो स्थानमा रहेको छ।
भुटानलाई हराए सेमिफाइनलमा
नेपालले आजको खेलमा भुटानलाई पराजित गर्न सकेमा समूहको शीर्ष दुई स्थानमा पुग्दै सेमिफाइनलमा स्थान बनाउनेछ। पाकिस्तानले पनि आज श्रीलंकासँग खेल्नेछ, जहाँ श्रीलंका यसअघिका दुवै खेलमा हारेर समूह चरणबाट बाहिरिसकेको छ। पाकिस्तान र भुटानले सेमिफाइनलमा पुग्न बराबरी खेले पनि पर्याप्त हुनेछ, तर नेपाललाई भने सेमिफाइनलमा स्थान बनाउन भुटानलाई हराउनैपर्ने दबाब छ।
