बुधबार राति खसेको पहिरोका कारण कान्तिलोकपथ अझै सञ्चालनमा आउन सकेको छैन। मकवानपुर जिल्लाको बकैया गाउँपालिका वडा नम्बर-१२ घट्टेपाखामा पहिरो जाँदा कान्तिलोकपथको उक्त सडकखण्ड बन्द भएको हो।
वर्षाका कारण पहिरो पन्छाउन समस्या
मकवानपुर प्रहरीले लगातारको वर्षाले पहिरो पन्छाउन कठिनाइ भएको जानकारी दिएको छ। मकवानपुरका निमित्त प्रहरी प्रवक्ता तथा प्रहरी निरीक्षक ठाकुर प्रसाद सापकोटाका अनुसार सडकमा ठूला ढुङ्गाहरू खसेका छन् र माथिल्लो भागबाट निरन्तर लेदो खसिरहेको छ, जसले गर्दा सडक खुलाउन समस्या भएको हो।
सडक खुलाउन जारी प्रयास
सडक खुलाउन फास्ट ट्र्याक, कान्तिलोकपथ आयोजना, र बकैया गाउँपालिकाबाट प्रयास भइरहेको प्रहरी निरीक्षक सापकोटाले बताएका छन्।
