बैतडीको दशरथचन्द नगरपालिकाको डुवापानीमा बिहीबार राति जिप दुर्घटना हुँदा ६ जना घाइते भएका छन्। छेलाबाट दशरथचन्द नगरपालिका–३ दुर्गाभवानीतर्फ जाँदै गरेको से १ ज ३२० नम्बरको जिप अनियन्त्रित भई दुर्घटनामा परेको हो।
६ जना घाइते
जिपमा ८ जना यात्रु सवार थिए। दुर्घटनामा चालकसहित ६ जना घाइते भएका छन् भने ५ जनाको जिल्ला अस्पतालमा उपचार भइरहेको बैतडी जिल्ला प्रहरी कार्यालयका प्रहरी निरीक्षक जनक ढुंगानाले जानकारी दिएका छन्।
रुखमा अड्कीदा ठुलो क्षती टर्यो
घाइतेमध्ये दशरथचन्द नगरपालिका–३ वरकुरालीका दिलिप नाथलाई थप उपचारका लागि धनगढी रिफर गरिएको छ। प्रहरीले जिप सडकबाट ५/१० मिटर तल खसेर सल्लाको रुखमा अड्किएकाले ठूलो दुर्घटनाबाट जोगिएको जनाएको छ।
