काठमाडौं — प्रधानमन्त्री केपी शर्मा ओलीले नेपाल कम्युनिस्ट पार्टी (एमाले) को च्यासल, ललितपुरस्थित केन्द्रीय कार्यालयमा हालैको बाढीबाट भएको क्षतिको निरीक्षण गरेका छन्। एमालेका अध्यक्षसमेत रहेका प्रधानमन्त्री ओलीले आज सिंहदरबारमा पार्टीको संसदीय दलको बैठकपछि केन्द्रीय कार्यालयमा पुगेर बाढीले पुर्याएको क्षति अवलोकन गरेका हुन्।
कार्यालयको भुइँतला डुबानमा, सामग्री नष्ट
अविरल वर्षा र बाढीका कारण पार्टी कार्यालयको भुइँतला पूर्णत: डुबानमा परेको थियो। सोही तल्लामा राखिएका उपकरण र अन्य महत्वपूर्ण सामग्री बाढीले नष्ट गरेका छन्। हाल कार्यालयमा सरसफाइको काम सुरु भइसकेको छ।
पार्टीको तत्काल सरसफाइ अभियान सुरु
पार्टीले बाढीबाट भएको क्षतिको यथाशीघ्र पुनर्संरचना गर्न सरसफाइको कार्य तत्काल सुरु गरेको छ। बाढी प्रभावित क्षेत्रलाई यथासक्य चाँडो पुनर्स्थापना गर्ने योजना रहेको बताइएको छ।
