पुणे — मुम्बईको जुहूबाट हैदराबाद जाँदै गरेको एक निजी हेलिकप्टर शनिबार दिउँसो पुणे जिल्लाको पउड नजिकैको कोंडावले गाउँमा दुर्घटनाग्रस्त भएको छ। दुर्घटनामा ३ जनाको मृत्यू भएको जानकारी प्राप्त भएको छ।
ग्लोबल भेक्ट्रा कम्पनीको हेलिकप्टर दुर्घटनाग्रस्त
पुणे प्रहरीले जनाए अनुसार यो हेलिकप्टर मुम्बईको ग्लोबल भेक्ट्रा कम्पनीको हो। मौसममा आएको खराबीपछि भएको प्राविधिक समस्या हेलिकप्टर दुर्घटनाको कारण हुनसक्ने प्रारम्भिक अनुमान गरिएको छ। घटनाको विस्तृत अनुसन्धान पुणे ग्रामीण प्रहरीले सुरु गरिसकेको छ।
स्थानीयको सहयोग र प्रहरीको प्रतिक्रिया
घटनास्थलमा स्थानीय बासिन्दाले हेलिकप्टर खसिरहेको देखेर तुरुन्तै उद्धार गर्न दौडिएका थिए। गाउँलेहरूबाट सूचना प्राप्त गरेपछि पउड प्रहरी चौकीको टोली घटनास्थलमा पुगेको थियो।
