जनपुरधाम – धनुषा जिल्लामा भएको मोटरसाइकल दुर्घटनामा एकजनाको मृत्यु भएको छ भने अन्य एकजना गम्भीर घाइते भएकी छन्।
धनुषाको सबैला नगरपालिका-१२, रघुनाथपुरका ४८ वर्षीय विश्वेश्वर मण्डलको आइतबार साँझ जनकपुरबाट धनुषाधामतर्फ जाँदै गरेको मोटरसाइकल अनियन्त्रित भई दुर्घटना हुँदा मृत्यु भएको हो।
दुर्घटनाको विवरण
जनकपुरबाट धनुषाधामतर्फ गइरहेको स ७ प ३९३२ नम्बरको मोटरसाइकल मिथिलाविहारी नगरपालिका-२, पर्शुराम तलाउस्थित अनियन्त्रित भएर दुर्घटना भएको धनुषाका प्रहरी प्रवक्ता डीएसपी बरुणबहादुर सिंहले जानकारी दिएका छन्।
दुर्घटनामा गम्भीर घाइते भएका मण्डललाई तत्कालै प्रादेशिक अस्पताल जनकपुर ल्याइएको थियो, तर चिकित्सकले उनलाई मृत घोषित गरे।
घाइतेको अवस्था
मोटरसाइकलमा पछाडि सबार मृतककै आफन्त नन्द मण्डलकी २२ वर्षीया छोरी रेणु मण्डल गम्भीर घाइते भएकी छन्। उनको उपचार अहिले प्रादेशिक अस्पताल जनकपुरमा भइरहेको छ।
जिल्ला प्रहरी कार्यालय धनुषाले घटनाबारे थप अनुसन्धान जारी राखेको जनाएको छ।
