नुवाकोट दुप्तेश्वर गाउँपालिका-७ घर भई काठमाडौं दक्षिणकाली नगरपालिका-६ बस्ने जितबहादुर भन्ने काले तामाङलाई ४ महिनापछि पक्राउ गरिएको छ।
भक्तपुरबाट पक्राउ
तामाङलाई काठमाडौं उपत्यका अपराध अनुसन्धान कार्यालयको टोलीले आइतबार भक्तपुर नगरपालिका-१० छालिङबाट पक्राउ गरेको हो। प्रहरीको लामो खोजी अभियानपछि उनलाई पक्राउ गर्न सफल भएको हो।
कुटपिट गरी हत्या
गत वैशाख १९ गते, तामाङकी श्रीमती ४५ वर्षीया डोल्मा शेर्पा मृत अवस्थामा फेला परेकी थिइन्। अनुसन्धानको क्रममा तामाङले कुटपिट गरी हत्या गरेको खुल्न आएको छ। यो जानकारी काठमाडौं उपत्यका अपराध अनुसन्धान कार्यालयका एसपी अंगुर जिसीले दिएका हुन्।
हत्या पछि फरार
हत्या भएको दिनदेखि नै तामाङ फरार थिए। उनी लुकीछिपी काठमाडौंमा बस्दै आएको खुल्न आएको छ। पुलिसले लामो अनुसन्धानपछि उनलाई पक्रेको छ।
