काठमाडौं - प्रहरी प्रधान कार्यालयले आफूखुसी गैरहाजिर भएका १२ जना प्रहरीलाई सात दिनभित्र हाजिर हुन निर्देशन दिएको छ। प्रहरी महानिरीक्षकको सचिवालय, कानुन शाखाले गैरहाजिर रहेका प्रहरी नायव निरीक्षक अशोक दर्नालसहितका व्यक्तिहरूको नाम–ठेगाना सार्वजनिक गर्दै, उनीहरूलाई सात दिनभित्र हाजिर गर्न भनेको हो।
स्पष्टीकरण अनिवार्य
हाजिर हुँदा गैरहाजिर हुनुको कारण सहित स्पष्टीकरण बुझाउनुपर्ने निर्देशनमा भनिएको छ। यदि तोकिएको म्यादभित्र हाजिर नभएमा प्रहरी नियमावलीअनुसार कारबाही हुने चेतावनीसमेत दिइएको छ।
स्पष्ट चेतावनी
प्रहरी प्रधान कार्यालयले यस सूचनाको बेवास्ता गरेमा उनीहरूमाथि आवश्यक कानूनी कारबाही प्रक्रिया अघि बढाइने जनाएको छ।
