काठमाडौं - बाग्लुङ वरेङ गाउँपालिका-३ निवासी, हाल काठमाडौं स्वयम्भू बसोबास गर्दै आएका ४५ वर्षीय तारा थापालाई प्रहरीले रेड पाण्डाको छालासहित पक्राउ गरेको छ। उनलाई मंगलबार दिउँसो प्रहरी वृत्त महाराजगंज र प्रहरी प्रभाग गोंगबुको संयुक्त टोलीले नियन्त्रणमा लिएको हो।
सूचनाका आधारमा पक्राउ
प्रहरीले रेड पाण्डाको छाला किनबेच गर्न लागिएको गोप्य सूचनाको आधारमा तारा थापालाई पक्राउ गरेको जनाएको छ। पक्राउ परेका थापामाथि प्रहरीले आवश्यक अनुसन्धान अघि बढाएको छ।
