मोरङको विराटनगरस्थित एक पार्टी प्यालेसमा जुवा खेलिरहेको अवस्थामा संचालकसहित १० जना पक्राउ परेका छन्। विशेष सूचनाका आधारमा शुक्रबार राति विराटनगर महानगरपालिका-११ मा रहेको संगम पार्टी प्यालेसबाट उनीहरूलाई नियन्त्रणमा लिएको प्रहरीले जानकारी दिएको छ।
नगद र सामग्री बरामद
प्रहरीले उनीहरूको साथबाट १० लाख ६ हजार ९९५ रुपैयाँ नगद र पाँच सेट ताससमेत बरामद गरेको छ।
पक्राउ परेका व्यक्तिहरू
पक्राउ परेका व्यक्तिहरूमा विराटनगर मनपा-११ का ६१ वर्षीय राजन कडेल, मनपा-१२ का ४१ वर्षीय टुनटुन शर्मा, मनपा-११ का ५७ वर्षीय पशुपति भगत, मनपा-१२ का ४७ वर्षीय सुरेन्द्र ठाकुर, मनपा-११ का ५० वर्षीय विरेन्द्र साह, मनपा-३ का ५५ वर्षीय ध्रुव सिग्देल, मनपा-५ का ५५ वर्षीय मनिराज प्रसाई, मनपा-१२ का ५० वर्षीय बाबुराम कटेल, मनपा-१२ का ४६ वर्षीय लिला सहनी र मनपा-११ का ५९ वर्षीय पदम श्रेष्ठ (संगम पार्टी प्यालेसका संचालक) रहेका छन्।
