काठमाडौं — नेपालीमूलका अमेरिकी फेसन डिजाइनर प्रबल गुरुङले आगामी अमेरिकी राष्ट्रपति चुनावमा अर्ली मतदान गरेका छन्। उनले इन्स्टाग्राममा पोस्ट गर्दै डेमोक्रेट उम्मेदवार कमला ह्यारिसलाई समर्थन गर्दै भोट हालिसकेको जानकारी दिएका छन्।
कमला ह्यारिसको पक्षमा मतदान
प्रबल गुरुङले "भोट" लेखिएको आकर्षक टिसर्टमा फोटो पोस्ट गर्दै, "मैले चाँडै मतदान गरेँ। मैले कमला ह्यारिस र टीम वाल्जलाई भोट हालेँ। कृपया उनको लागि भोट हाल्नूस," भन्ने सन्देश दिएका छन्। गुरुङले कमला ह्यारिसलाई समर्थन गर्दै उनलाई परिवर्तन र राम्रो भविष्यका लागि आशाको किरणको रूपमा उल्लेख गरेका छन्।
ह्यारिसको चुनावी सभामा सहभागिता
मतदान गरेपछि गुरुङ पश्चिमी राज्य नेभादामा आयोजित ह्यारिसको चुनावी सभामा पनि सहभागी भए। उनले त्यहाँ ह्यारिसको भाषणका भिडियो पोस्ट गर्दै कमलालाई अमेरिकाको नेता मात्र नभएर परिवर्तनको प्रतीकको रूपमा चित्रण गरे।
