रौतहट जिल्लाको राजदेवी नगरपालिका–९, ब्रहमपुरीबाट एक भारतीय नागरिकलाई पेस्तोलसहित पक्राउ गरिएको छ। सशस्त्र प्रहरीको बेलविछवा बीओपी टोलीले आज दिउँसो ४२ वर्षीय राजेश सिंहलाई नियन्त्रणमा लिएको हो।
भट्टी पसलबाट पक्राउ
राजेश सिंहलाई उनका भिनाजु संजिव सिंहको भट्टी पसलबाट पक्राउ गरिएको बताइएको छ। विशेष सूचनाको आधारमा सशस्त्र प्रहरीको टोलीले उनलाई नियन्त्रणमा लिएको हो।
हातहतियारसहित बरामद सामग्री
सिंहको साथबाट एउटा कुवा पेस्तोल, त्यसमा लाग्ने तीन राउण्ड गोली, र एउटा खोका बरामद गरिएको सशस्त्र प्रहरीले जानकारी दिएको छ।
थप अनुसन्धानको लागि नेपाल प्रहरीलाई जिम्मा
सशस्त्र प्रहरीले पक्राउ परेका सिंहलाई थप अनुसन्धानका लागि नेपाल प्रहरीको जिम्मा लगाइने जनाएको छ।
