कपिलवस्तुको बाणगंगामा बुधबार साँझ बसको ठक्करबाट एक पुरुषको मृत्यु भएको छ। बाणगंगा–७, घेरवा बनगाईमा अर्घाखाँचीको खन दह घर भई बनगाईमा बसोबास गर्दै आएका ३६ वर्षीय भीमलाल पोख्रेलको बसको ठक्करबाट मृत्यु भएको हो।
घटनाको विवरण
घटनाका क्रममा पश्चिमबाट पूर्वतर्फ जाँदै गरेको लु २ ख ३१५ नम्बरको बसले पोख्रेललाई ठक्कर दिएको थियो। ठक्करबाट गम्भीर घाइते भएका पोख्रेललाई उपचारका लागि स्थानीय पाथीभरा मेडिकलमा लगिएको थियो। तर, उपचारकै क्रममा चिकित्सकले उनलाई मृत घोषणा गरेका हुन्।
बस नियन्त्रणमा, थप अनुसन्धान जारी
दुर्घटनामा संलग्न बसलाई इलाका प्रहरी कार्यालय, पिपराले नियन्त्रणमा लिएको छ। प्रहरी निरीक्षक लोकेन्द्र जिसीका अनुसार घटनाका विषयमा थप अनुसन्धान भइरहेको छ।
