काठमाडौँ । शुक्रबार राजावादी आन्दोलनका क्रममा भाटभेटनी सुपरमार्केटमा भएको लुटपाटको दौरान साहसिक भूमिका निभाएका सुरक्षा गार्ड दुल (कृष्णप्रसाद)पराजुली पाँच लाख सहित सम्मानित भएका छन् ।
भाटभेटनी सुपरमार्केटले आज एक कार्यक्रमको आयोजना गर्दै लुटपाटको समयमा आफ्नो कर्तव्य पूरा गर्दै अग्रपंक्तिमा खटिएका सुरक्षा गार्ड ७० बर्षीय पराजुली ५ लाख एक हजार १ सय ११ रुपैयाँले सम्मान गरेको हो । यस्तै पराजुलीलाई पाँच ग्रेड बढुवा पनि गरिएको छ।
सुपरमार्केटले पराजुली सहित अन्य कर्मचारीलाई पनि नगद सहित सम्मान गरेको छ । सुपरमार्केटका अनुसार घटनामा करिब ८० लाख रुपैयाँ बराबरको क्षति पुगेको जनाएको छ ।
