काठमाडौं । प्रतिनिधिसभा अन्तर्गतको राज्य व्यवस्था समितिले चैत १५ गते को घटनाबारे सरकारको जवाफ माग गर्ने निर्णय गरेको छ।
बुधबार सिंहदरबारमा बसेको बैठकमा समिति सदस्यहरूले राजावादीको प्रदर्शनका भएको घटनाका विषयमा गृहमन्त्री रमेश लेखकले जवाफ दिनुपर्ने माग गरेपछि समितिले चैत २२ गते शुक्रबारको बैठकमा गृहमन्त्रीलाई बोलाउने निर्णय गरेको हो ।
बैठकमा सांसदहरूले चैत १५ गते शुक्रबार भएको घटनाका बारेमा सरकारले स्पष्ट पार्नुपर्ने बताएका थिए । साथै उनीहरूले उक्त घटनाको न्यायिक छानबिनसमेत माग गरेका छन् ।
