काठमाडौँ। काठमाडौंको टोखा स्थित झोरमा ट्रकमा भेटिएको २५ करोड बराबरको डलर र युरोको मालिक पत्ता लागेको छ। प्रहरीको जानकारी र विज्ञ अनुसन्धानबाट शङ्कास्पद व्यक्तिको पहिचान खुलेको हो।
उक्त रकम सिन्धुपाल्चोकको भोटेकोशी गाउँपालिका–४ स्थायी घर भई हाल टोखा नगरपालिका–१० मा बसोबास गर्ने नारायण पौडेलको भएको पुष्टि भएको छ।पौडेललाई पक्राउ गर्न अदालतबाट पुर्जी जारी भइसकेको छ।
गत चैत ४ गते राति ना ७ ख १६५२ नम्बरको ट्रकमा रकम लुकाएर लैजाँदै गरेको अवस्थामा प्रहरीले सिन्धुपाल्चोकको भोटेकोशी गाउँपालिका–१ का ४३ वर्षीय चालक कुसान लामालाई पक्राउ गरेको थियो।चालक लामाले ट्रकको चालक सिट पछाडि फल्स बटम बनाएर रकम लुकाएको अवस्थामा प्रहरीले नियन्त्रणमा लिएको थियो।
