काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईं कार्यालयको कार्यकक्षको ढोका फोडेरै भित्र पस्न खोजेका छन् ।
महानगरपालिकाका मेयर बालेन शाहले ताला लगाएपनि उक्त ताला नखुलेपछि ढोका नै फोडेर कार्यकक्षमा प्रवेश गरिरहेका छन् । गेटबाट भित्र छिर्न नदिन मेयर शाहले नगर प्रहरी तैनाथ गरे पनि महानगरपालिकाका कर्मचारीहरुले धकेल्दै अघि बढेका हुन् । अहिले कार्यकक्षमा भने प्रवेश गरिसकेका छैनन् । कर्मचारी र जनप्रतिनिधिले कार्यकक्षमा लगाइएको ताला फुटाउने प्रयास गर्दा नगर प्रहरीले हस्तक्षेप गरेका छन् ।
महानगरमा कर्मचारी र नगर प्रहरीबीचमै विवादको रुप लिएको छ । ५ महिनादेखि तलब नपाएको र महानगरको काम ठप्प भएको भन्दै कर्मचारीले महानगरपालिकाका मेयर बालेन शाहले ताला लगाएपनि उक्त ताला नखुलेपछि ढोका नै फोडेर कार्यकक्षमा प्रवेश गर्न खोजेका हुन् ।
