काठमाडौँ । सुदूरपश्चिमका मुख्यमन्त्री कमलबहादुर शाहले बोलाएको सर्वदलीय बैठक बिनानिष्कर्ष टुंगिएको छ । प्रतिपक्षी दलहरूको अवरोधका कारण प्रदेशसभा बैठक बस्न नसकेपछि मुख्यमन्त्री शाहले सर्वदलीय बैठक बोलाएका थिए ।
प्रतिपक्षी दलले सरकारले मनलाग्दो ढंगले राजनीतिक नियुक्ति गरेको, जथाभावी बजेट बाँडेको, फजुल खर्च बढाएको र पूर्व उद्योग पर्यटन वन तथा वातावरणमन्त्री लक्ष्मणकिशोर चौधरीको विवादास्पद संवादबारे छानबिनको माग गर्दै प्रदेशसभा बैठकमा विरोध गर्दै आएका छन् ।
चौधरीको आर्थिक लेनदेनसम्बन्धी अडियो छानबिन गर्ने विषयमा सत्तापक्ष र विपक्षीको फरक मत देखिएपछि बैठक बिनानिष्कर्ष टुंगिएको हो ।
