काठमाडौं । काठमाडौं महानगरपालिकाका कर्मचारीले सोमबारसम्म तलब पाउने भएका छन् । काठमाडौं महानगरपालिकाका प्रमुख प्रशासकीय अधिकृत सरोज गुरागाईं ३ महिना १४ दिनपछि आफ्नो नियमित जिम्मेवारीमा फर्किएपछि खर्च निकासा गरेका छन् ।
खर्च निकासा गरेसँगै महानगरमा करिब चार महिनादेखि रोकिएको तलबसुविधा भुक्तानी हुने भएको छ ।महानगरका प्रवक्ता ध्रुवकुमार काफ्लेका अनुसारस गुरागाईंले शुक्रबार कार्यालय समयमै कमलादीस्थित कार्यकक्षमा पुगेर खर्च निकासा फाइलमा हस्ताक्षर गरेका हुन् ।
गुरागाईंले खर्च निकासा गरेसँगै कर्मचारीको खातामा तलब पनि आगामी सोमबारसम्म जाने काफ्लेले जानकारी दिए ।आइतबार पनि सार्वजनिक बिदा भएकाले महानगरका कर्मचारीको ६ महिनादेखि रोकिएको तलब सोमबारमात्र खातामा जाने भएको हो ।
