काठमाडौं । नेपाल शिक्षक महासंघले सरकारले बोलाएको वार्तामा बस्न अस्वीकार गरेको छ ।
वार्ताका लागि सिंहदरबारमा बोलाए पनि महासंघ वार्तामा उपस्थित नभएपछि शुक्रबार शिक्षकसँग छलफल गर्ने सरकारको प्रयाससमेत असफल भएको छ ।
शिक्षकहरूसंग छलफल गर्नका लागि फोनका साथै औपचारिक पत्र पठाए पनि महासंघ वार्तामा उपस्थित नभएको शिक्षामन्त्री विद्या भट्टराईले जानकारी दिइन्।
महासंघलाई पत्र पठाएपछि कार्यवाहक प्रधानमन्त्री प्रकाशमान सिंह, शिक्षामन्त्री भट्टराई शहरी विकास मन्त्रालयमा पुगेर वार्ताको तयारी गरेका थिए । तर, शिक्षकहरूको उपस्थिति नभएपछि वार्ता हाललाई स्थगित गरिएको मन्त्री भट्टराईले बताइन् ।
