मुम्बई । मानसी घोषले सबै फाइनलिस्टहरूलाई पछि पार्दै इन्डियन आइडल सिजन १५ को ट्रफी जितेकी छिन्। उनले ग्रान्ड फिनालेमा आफ्नो उत्कृष्ट प्रदर्शनका साथ आफ्नो जित सुनिश्चित गरेकी हुन् ।
इन्डियन आइडल १५ को फाइनलमा तीन फाइनलिस्ट मानसी घोष, शुभजित चक्रवर्ती र स्नेहा शंकरबिच कडा प्रतिस्पर्धा देखियो। तीनै जनाले आफ्नो गायनले सबैलाई प्रभावित पारेका थिए । तर मानसी अरूभन्दा एक कदम अगाडि थिइन् र कार्यक्रमको विजेताको रूपमा उभिइन्। ट्रफी बाहेक, मानसीले एउटा नयाँ कार र २५ लाख भारतीय रुपैयाँ पुरस्कार प्राप्त गरिन्।
मानसी घोषको प्रदर्शन सिजनभरि राम्रो रह्यो। रोमान्टिक गीतहरू होस् वा भावुक गीतहरू, मानसीले ती सबैमा आफ्नो उत्कृष्ट प्रस्तुति दिने प्रयास गरिन्। उनी आफ्नो प्रतिभाले जनताको साथै निर्णायकहरूको मन जित्न सफल भइन्। उनले संगीतको दुनियाँमा आफ्नो विशेष स्थान बनाएकी छन्।
