काठमाडौं । नेपाल प्रहरीले तीनकुनेमा भएको हिसांत्मक प्रदर्शनका नाइके दुर्गा प्रसाईको खोजी कार्य जारी रहेको बताएको छ ।
बिहीबार अबेर राति नेपाल प्रहरीका प्रवक्ता प्रहरी नायव महानिरीक्षक दिनेश कुमार आचार्यले एक विज्ञप्ती जारी गर्दै ‘दुर्गा प्रसाई पक्राउ’ भन्ने शीर्षकमा प्रकाशन भएका विभिन्न समाचारहरू प्रति ध्यानाकषर्ण भएको जनाएका हुन् ।
विभिन्न आपराधिक घटनामा संलग्न रही फरार दुर्गा प्रसाई नेपाल प्रहरीको खोजीको सूचिमा रहेको उक्त विज्ञप्तीमा उल्लेख गरिएको छ। यता दुर्गा प्रसाईंको सचिवालयले भने प्रसाईंले भारतको आसाम राज्यको प्रहरी समक्ष आत्मसमपर्ण गरेको बताएको छ । सुरक्षाका लागि दुर्गा आँफै प्रहरीसमक्ष आत्मसमपर्ण गरेको सचिवालयले फेसबुकमा लेखेको छ ।
