काठमाडौँ । निषेधित क्षेत्र तोड्ने घोषणासहित प्रदर्शनमा उत्रेका राप्रपाका नेता–कार्यकर्ता र प्रहरीबीच काठमाडौंको नयाँबानेश्वरमा घम्साघम्सी परेको छ । बानेश्वरबाट अघि बढ्न खोजेका प्रदर्शनकारीलाई प्रहरीले रोक्न खोजिरहेको छ ।
आज निषेधित क्षेत्र तोडेर सामूहित गिरफ्तारी दिने रणनीतिका साथ राप्रपा प्रदर्शनमा उत्रेको हो । सरकारले भने बलजफ्ती गरे कानुनबमोजिम कारबाही गर्ने चेतावनी दिएको छ ।
राप्रपाको प्रदर्शनलाई लक्षित गर्दै काठमाडौंमा सुरक्षा सतर्कता बढाइएको छ । सडकमा ठूलो संख्यामा प्रहरीहरू परिचालित छन् ।
