काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनको अभिव्यक्तिप्रति प्रमु सत्तारुढ नेपाली कांग्रेसले प्रतिनिधिसभामा आक्रोश ब्यक्त गरेको छ।
अघिल्लो संसद् बैठकमा राप्रपा अध्यक्ष लिङदेनले कांग्रेस सह(महामन्त्रीका छोराले भाटभटेनीबाट गत चैत १५ गते रक्सी चोरेपछि प्रहरीले समातेर छाडेको भन्ने अभिव्यक्तिप्रति कांग्रेसले आज संसदमा जवाफ मागेको हो ।
आइतबारको प्रतिनिधिसभा बैठकमा बोल्दै कांग्रेसका प्रमुख सचेतक श्यामकुमार घिमिरेले कांग्रेसका कुन सहमहामन्त्रीका कुन छोराले रक्सीको बोतल चोरेका हुन् रु त्यो राप्रपा अध्यक्ष लिङ्देनले प्रमाणित गर्नुपर्ने धारणा राखेका छन् ।
‘नेपाली कांग्रेसका कुन चाहिँ सहमहामन्त्रीको कुन छोराले रक्सीको बोत्तल बोकेर हिँड्नुभएको हो त्यो प्रमाण पेस गर्नुपर्छ, होइन भन्ने उहाँको भनाइ रेकर्डबाट हटाउनुपर्छ,’ प्रमुख सचेतक घिमिरेले भने ।
लिङ्देनले शुक्रबारको प्रतिनिधिसभा बैठकमा भाटभटेनीमा रक्सी चोर्नेमा कांग्रेस सहमहामन्त्रीका छोरा पनि रहेको जनाए पनि नाम भने उल्लेख गरेका थिएनन् । तर, उनको उक्त अभिव्यक्तिपछि सह(महामन्त्री महेन्द्रकुमार यादवका छोराले रक्सी चोरेको भनेर समाचार आएको थियो ।
तर, यादवका दुवै छोरा डाक्टर रहेको तर्क उनको छ । उनीहरू अध्ययनमा ब्यस्त रहेको भन्दै छोराहरू आकाश र विकासले आफूहरूको संलग्नता अस्वीकार गरेका छन् ।
