पुुस १३, काठमाडौ
माघ १८ गतेदेखि प्रदर्शनमा आउने चलचित्र ‘गोपी’ टिमले कविता प्रतियोगिता गर्ने भएको छ । बुधबार पत्रकार सम्मेलनको गर्दै चलचित्र निर्माण कम्पनी आरोही इन्टरटेन्मेन्टले कविता प्रतियोगिता आयोजना गर्न लागेको जनाएको छ ।
प्रतियोगितामा भाग लिन उमेरको कुनै हदबन्दी नरहेको र सहभागीले फिल्मको ट्रेलर हेरेर स्वरोजगार र परिश्रमको भाव झल्किने कविता लेख्नुपर्ने चलचित्र निर्देशक दिपेन्द्र लामाले बताए । प्रतियोगितामा प्रथम, द्वितीय र तृतीय हुनेलाई क्रमशः ३०, २० र १० हजार रुपैंयाँ प्रदान गरिने आयोजकले जनाएको छ । त्यसैगरी, सान्त्वना हुने सात जनाले पनि पुरस्कार प्राप्त गर्नेछन् । आयोजकका अनुसार प्रतियोगिताको निर्णायकहरुमा कवि उपेन्द्र सुब्बा र नवराज पराजुली रहनेछन् ।
प्रतियोगीहरुले आगामी माघ ७ भित्रमा आफ्नो कविता पठाइसक्नु पर्ने निर्देशक लामाले बताए । लामाका अनुसार प्राप्त माघको दोस्रो हप्ता विजेताहरुलाई पुरस्कार प्रदान गरिनेछ ।माघ १८ गते प्रदर्शन मिति तय गरेको चलचित्रमा सामिप्यराज तिमल्सेनाको पटकथा, शैलेन्द्र डि कार्कीको छायाङ्कन, निमेष श्रेष्ठको सम्पादन रहेको छ । यसको निर्माता श्रीधर पौडेल र आरोही केसी कार्यकारी निर्माता हुन् ।
चलचित्रमा विपिन कार्की, वर्षा राउत, सुरक्षा पन्त, रमेश अधिकारी, अंकित खड्का, प्रकाश घिमिरे, भोलाराज सापकोटा, सरोज अर्याल लगायतका कलाकारहरुको भूमिका रहेको छ ।
