काठमाडौँ - प्रधानमन्त्री केपी शर्मा ओलीले चलचित्र ‘क्याप्टेन’ हेरेका छन्। बुबा मोहनप्रसाद, पत्नी राधिका शाक्य, नेकपा महासचिव विष्णु पौडेललगायत नेताका साथमा प्रधानमन्त्रीले बुधबार साँझ सिटी सेन्टर पुगेर चलचित्र ‘क्याप्टेन’ हेरेका हुन्।
होलीको अवसर पारेर ओली चलचित्र हेर्न पुगेको बताइएको छ। ओली चलचित्र हेर्न हलमा पुगेपछि त्यहाँको सुरक्षा व्यवस्था कडा पारिएको थियो।
दिवाकर भट्टराईले निर्देशन गरेको चलचित्रमा अनमोल केसीको साथमा अभिनेत्री द्वय उपासना सिंह ठकुरी र प्रियंका एमभी, सुनिल थापा, सरोज खनाल, विल्सनविक्रम राई, राजाराम पौडेल, बुद्धि तामाङलगायत कलाकारले अभिनय गरेका छन्।
फागुन १७ गतेदेखि प्रदर्शनमा आएको चलचित्रमा फुटबलको विषयवस्तु समेटिएका युवा पुस्ताले बढी रुचाएका छन् र तीन सातादेखि हलमा चलिरहेको छ।
