काठमाडौँ, १९ पुस। चलचित्र ‘प्रेमनाथ’को ट्रेलर सार्वजनिक गरिएको छ। प्रेम, एक्सन र रोमान्सले भरिएको चलचित्रको ट्रेलर तीन मिनेट लामो छ।
चैत २२ गतेबाट प्रदर्शनमा आउने ‘प्रेमनाथ’मा कृती गौतम र मोनालिशा विष्टले डेब्यु गरेका छन्। काठमाडौँ, लुम्बिनी, रोल्पा, दाङलगायत भारतको लखनउमा चलचित्रको छायाङ्कन गरिएको छ।
चलचित्र गुहेश्वरी बेलबासेले निर्माण गरेका हुन्। कालिप्रसाद द्धा यसमा कार्यकारी निर्माता रहेका छन्। ‘प्रेमनाथ’मा अहिलेसम्म नेपाली चलचित्रमा नदेखिएको २५ सय वर्ष अगाडिको प्रेमकथा खेदाइएको निर्देशकको दाबी छ। प्रेमनाथलाई गणेश बेलवासेले निर्देशन गरेका हुन्।
चलचित्रमा सुरवीर पण्डित, गजित बिष्ट, नविन श्रेष्ठ, कमल गाउँले, गणेश बेल्वासे, मियुम जिरेल, शेखरजंग मल्ल, सम्झना भेटवाल, पूजा रिजाल, सिर्जना राई लगायतका कलाकारको अभिनय छ ।
https://youtu.be/gqXEc0Esi9A
