काठमाडौँ, २० पुस। गायिका पूर्णकला बिसी र गायक वीरबहादुर मगरको नयाँ गीत सार्वजनिक भएको छ । मौलिक लोकदोहोरीमा आधारित गीत ‘पासपोर्ट’को भिडियो सार्वजनिक भएको हो।
स्वदेशमा रमाउने मन हुँदाहुँदै पनि हजारौँ मनभित्रको आशा मारेर परदेश जानुपर्ने दर्दनाक यथार्थका आधारमा गीत तयार भएको छ। विदेशिएका हजारौँ युवाका भाव समेटिएको साे गीतमा डम्बरचन्द मगरको शब्द तथा रामु खड्काको लय छ।
वास्तविक जीवनको तितो यथार्थलाई समेटेर गीतमा प्रस्तुत गरेको मगरले बताए। भिडियोमा अजय रेग्मीको छायाङ्कन, अमर शाक्यको सम्पादन र काजिश श्रेष्ठको निर्देशन रहेको छ। गीतमा आशा खड्का र विर बहादुर मगरको अभिनय देख्न सकिन्छ।
