काठमाडौँ, २२ पुस। गायक विश्व नेपालीको नयाँ गीतको म्युजिक भिडियो सार्वजनिक भएको छ। ‘मिठो साह्रै मिठो’ गीतको अपार सफलतापछि विश्व नेपाली तथा ‘द नेक्स्ट ग्रुप’ पुनः नयाँ गीतको भिडियो लिएर आएकाे हाे।
‘कवि देवकोटा’ शीर्षकको उक्त गीतमा गायक नेपालीलाई गायिका सुजता उपाध्यायले साथ दिएकी छन् । भिडियोमा ‘द नेक्स्ट’का कलाकारका साथै गायक विश्वको पनि अभिनय छ।
यस गीतको रचना एकनारायण भण्डारीले गरेका हुन् । उक्त गीतमा आशिष अविरलको संगीत संयोजन रहेको छ। ‘कवि देवकोटा’को म्युजिक भिडियोलाई अष्ट्रेलियामा छायांकन गरिएको छ। यसको निर्देशन प्रदीप लामाले गरेका हुन्।
भिडियोमा प्रदीप लामा तथा सुजना पौडेलको कोरियोग्राफी रहनुका साथै बिजया बानियाँ र योगेश कार्कीको सहायक कोरियोग्राफी रहेको छ। उक्त म्युजिक भिडियोमा सिरुजल इभर तथा ल्याक्स तामाङको छायांकन, इभरको सम्पादन र रभिएफएक्स कलर कलेक्सन रहेको छ ।
https://youtu.be/GRxhZNqK8lM
