काठमाडौँ, २३ पुस। भारतमा बस्दै आएका नेपाली कलाकार शंकर लामिछानेले हिन्दी भाषामा भिडियोसहित गीत सार्वजनिक गरेका छन्। शंकरको शब्द तथा संगीत रहेको ‘हर लम्हा’ बोलको गीतको भिडियो सार्वजनिक भएको छ।
हिन्दी भाषामा रेकर्ड गराएर त्यसलाई सार्वजनिक गर्नु र बलिउडकै गीतमा नृत्य गर्नु फरक हो तर उक्त भिडियोमा शंकर आफैँले मोडलिङ गरेका छन्। भिडियोमा नायिका मरिष्का पोखरेलले साथ दिएकी छन्। उक्त गीतमा निलेश सिंह र सहेबाको स्वर रहेको छ।
शंकर र मरिष्काले अभिनय गरेको यो गीतलाई बलिउड गीत भनेर प्रचार गरिए पनि यो बलिउड गीत होइन। हिन्दी भाषामा गाइएको गीत हो। भिडियोको छायांकन नेपालमै नेत्र गुरुङले गरेका छन्।
https://youtu.be/43zZY2-nGCw
