काठमाडौँ, २५ पुस। सुविन भट्टराईको चर्चित उपन्यास ‘समर लव’मा आधारित नेपाली चलचित्र ‘समर लव’को ट्रेलर सार्वजनिक भएको छ। काठमाडौँको राइजिङ मलमा कार्यक्रम आयोजना गर्दै चलचित्रले ट्रेलर सार्वजनिक गरेको हो।
यस चलचित्रको निर्देशन मुस्कान ढकालले गरेका थिए। चलचित्रमा नायक आशिष पिया र नायिका रेवती क्षेत्रीलाई निकै आकर्षक ढङ्गले प्रस्तुत गरिएको छ। चलचित्रमा सुरज सिंह ठकुरी, आशिष पिया, नम्रता सापकोटा, रेवती क्षेत्री, शिशिर भण्डारी, सरोज खनाल, ओम प्रतिक लगायतका कलाकारको भूमिका रहेको छ।
चलचित्रमा सुबिन भट्टराईको कथावस्तु र पुष्पन प्रधानकोे सङ्गीत रहेको छ। समाजका वास्तविक प्रेम गर्ने जोडीको सम्बन्धका बारेमा राम्रोसँग देखाउन खोजिएको यस चलचित्रले सम्पूर्ण दर्शकको मन जित्ने कुरामा निर्देशक ढकाल ढुक्क रहेको बताएका छन्।
यस अगाडि पनि चलचित्र ‘नाइँ नभन्नु ल ३’ले दर्शकको मन जित्नुका साथै व्यावसायिक रूपमा सफल भएको थियो।
https://youtu.be/BZW2nH-YQ7I
