काठमाडौँ, २७ पुस - गायक ईश्वर पोखरेलले प्राकृतिक सुन्दरताको वर्णन गर्दै नयाँ गीत बजारमा ल्याएका छन्। गायक पोखरेलले ‘कति राम्री मेरी माया मेरै नेपालजस्तै’ गीत सार्वजनिक गरेका हुन्।
अष्ट्रेलिया बस्दै आएका गायक पोखरेलका यसअघि दुईवटा सेलो एल्बम ‘शीतल’ र ‘अराइज’ बजारमा आइसकेको छ। उनले दुई दर्जनभन्दा बढी गीतमा आवाज दिइसकेका छन्।
‘कति बज्यो भनेर सोधम् कि’, ‘रातो रिबन’, ‘काली मोरी’जस्ता गीतहरू उनका चर्चित गीत हुन्। गायक पोखरेलका यी गीतहरूले दर्शक तथा श्रोताको मन जितेको छ भने ‘कति राम्री...’ले पनि श्रोताको मन जित्ने उनले विश्वास लिएका छन्।
उक्त गीतमा गायक पोखरेलको स्वर र एकनारायण भण्डारीको शब्द रहेको छ। नेपाली ठिटोलले समूह साथ दिएको सो गीतको निर्देशन सुनिल क्षेत्रीले गरेका छन्। आशीष अविरलको सङ्गीत रहेको यस गीतको भिडियोमा रवीन भुजेल र सारा श्रीपालीको अभिनय देख्न सकिन्छ।
https://youtu.be/sKoi0Z0j_j4
