काठमाडौं– बिश्वकपकाे छैठौँ खेलमा घरेलु टोली इगंल्याण्डबिरुद्ध जित निकाल्दै पाकिस्तानले शानदार ‘कमब्याक’ गरेको छ। पहिलो खेलमा वेष्ट इन्डिजसँग लज्जास्पद हार खाएको पाकिस्तान सोमबार उत्कृष्ट लयमा देखियो।
दावेदार मानिएको इगंल्याण्डलाई १४ रनले पराजित गर्ने क्रममा पाकिस्तानको पहिलो खेलमा व्याटिङमा देखिएको कमजोरी निकै सुधार भएको देखियो। भने बलिङतर्फ भने खासै सन्तुष्टिजनक प्रदर्शन भने गर्न सकेन्।
पहिले व्याटिङ गरेर बनाएको ३ सय ४८ रनको बचाउ गर्ने क्रममा पाकिस्तानी बलरहरुले उत्कृष्ट बलिङ गर्न नसके पनि पाकिस्तानको हार टार्न भने सफल भए।
३ सय ४९ रनको लक्ष्यका साथ मैदानमा उत्रिएको इंगल्याण्डलाई ९ विकेटकाे क्षतीमा ३ सय ३४ रनमा रोक्ने क्रममा पाकिस्तानका सदाब खानले २ विकेट हात पारे भने वाहब रियाज, महमद हाफिज र शोएब मलिकले समान १–१ विकेट लिए।
वेष्ट इन्डिजबिरुद्दको खेलमा उत्कृष्ट बलिङ गर्दै ३ विकेट लिएका महमद आमिरले पनि २ विकेट हात पारे।
व्याटिङतर्फ इंगल्याण्डका जोश बटलर र जोय रुटले गतिलो संघर्ष गर्दै शतकिय पारी खेले पनि हार टार्न सकेनन्। १ सय ३ रनको पारी खेल्ने क्रममा बटलरले ७६ बलको सामना गर्दै ९ चौका र २ छक्का प्रहार गरे भने १ सय ७ रनको पारि खेलका रुटले १ सय ४ बल खेल्दै १० चौका र १ छक्का प्रहार गरे।
बिशाल लक्ष्य पछ्याएको इंगल्याण्डले शुरुआती झट्का व्यहोर्यो। १२ रनको स्कोरमा उसले जोय रुटको रुपमा पहिलो विकेट गुमायो। उनी शदाब खानको बलमा एलबिडब्ल्यु आउट भए।
त्यसपछि ३२ रनको पारी खेलेर जोनी ब्रेस्टो आउट भए भने अन्य इंग्लिश व्याट्सम्यानहरुले उल्लेख्य प्रदर्शन गर्न सकेनन्। यसअघि पहिले व्याटिङ गरेको पाकिस्तानले निर्धारित ५० ओभरमा ८ विकेट गुमाउदै ३ सय ४८ रन बनाएको थियो।
पाकिस्तानलाई बिशाल योगफलतर्फ डोर्याउने क्रममा महमद हफिजले ६२ बलमा ८ चौका र २ छक्काको मदतमा ८४, बाबर आजमले ६६ बदमा ४ चौका र १ छक्काको मदतमा ६३, शरफराज अहमदले ४४ बलमा ५ चौकाको मदतले ५५, इमाम–उल–हकले ५८ बलमा ३ चौका र १ छक्काको मदतमा ४४ र फाखर आजमले ४० बलमा ६ चौकाको मदतमा ३६ रनको पारि खेले।
बलिङतर्फ क्रिस वोक्स र मोइन अलीले समान ३–३ विकेट लिए भने मार्क वुडले २ विकेट लिए।
