काठमाडौँ, ३० पुस – नायक संजोग कोइराला र नायिका वर्षा राउत वैवाहिक बन्धनमा बाँधिने भएका छन्। लामो समयदेखि प्रेममा रहेका संजोग र वर्षा ‘भ्यालेन्टाइन डे’मा बिहे गर्ने तयारीमा छन्।
नायिका वर्षाले आफूहरूले बिहे गर्न लागेको जानकारी गराएकी छन्। बलिउडका नायक रणवीर सिंह र नायिका दिपिका पादुकोणले बिहे गर्न लागेको जानकारी जुन शैलीमा दिएका थिए, त्यसरी नै वर्षा र संजोगले पनि सम्पूर्ण फ्यानलाई ‘सरप्राइज’ दिएका छन्।
नायिका वर्षाले बिहेको निमन्त्रणा कार्ड सार्वजनिक गर्दै आशीर्वाद दिनका लागि आग्रहसमेत गरेकी छन्। उक्त कार्डमा लेखिएको छ, ‘प्रेम यहीँ छ, प्रेम हावामा उडिरहेको छ। प्रेम सेलिब्रेट गर्ने दिनमै हामी बिहे गर्दैछौँ।’ उनले कार्डमा आफूलाई माया र आशीर्वाद दिने सबैलाई धन्यवादसमेत भनिएको छ।नायक संजोग र नायिका वर्षाको प्रेम चलचित्र क्षेत्रमा मात्र नभई उनीहरूको फ्यानमा पनि चर्चित छ ।
