काठमाडौँ, ३० पुस – चर्चित गायिका तथा मोडल सम्झना राईको नयाँ गीत भिडियोसहित सार्वजनिक भएको छ। गायिका सम्झनाको आधुनिक सेन्टिमेन्टल ‘नजिकिनु सजिलो थियो’ बोलको गीत सार्वजनिक भएको हो। यस गीतलाई एमएमएस इन्टरटेन्मेन्टको अफिसियल यु–ट्युब च्यानलबाट सार्वजनिक गरिएको थियो।
यस गीतको रचनाकार दर्पण राई हुन्। उनी यस अगाडि पनि ‘तिम्ले बाटो फेरेउ अरे’ गीतको सिरिजमार्फत नेपाली साङ्गीतिक क्षेत्रमा चर्चित छन्। सेन्टिमेन्टल गीति लेखनबाट चर्चामा आएका गीतकार दर्पणको यो गीतले पनि सेन्टिमेन्टल तथा वियोगात्मक पीडा बोकेको छ।
गायिका सम्झना पेशाले एक मोडल हुन्। उनले गीत गाउन शुरु गरेको धेरै भएको छैन। करिब एक वर्षयता मोडलिङसँगै गायनलाई पनि प्रथामिकता दिँदै आएकी सम्झनाले केही समय अगाडि एउटा गीत सार्वजनिक गरेर साङ्गीतिक क्षेत्रमा प्रवेश गरेकी हुन्। हाल सार्वजनिक भएको ‘नजिकिनु सजिलो थियो’ गीतमा उनले निकै मिठो स्वर दिएकी छन्।
सम्झना भन्छिन्, ‘यो गीत अहिलेकै युवालाई लक्षित गरेर ल्याएकी हुँ।’ यो गीत प्रेम सेन्टिमेन्टलमा आधारित गीत हो। पछिल्लो समय युवामा बढ्दै गएको प्रेमप्रतिको भावलाई यस गीतले समेटेको गीतकार तथा मोडल दर्पणले बताए।
यस गीतमा महेन्द्र राईको सङ्गीत रहेको छ भने गीतलाई गिटारिष्ट सञ्जीव सुब्बाले लिड हालेका छन्। स्टुडियोमै तयार भएको यो भिडियोलाई अनिलकुमार मानन्धरले खिचेका हुन्।
भिडियाे हेर्न याे लिंकमा क्लिक गर्नुहाेस्ः
https://www.youtube.com/watch?v=JdjzGxPLJEk
