काठमाडौँ, १ माघ – चर्चित गायक कालीप्रसाद बाँस्कोटाको स्वर, शब्द तथा सङ्गीतमा बनेको ‘इन्स्टाको फोटो’ बोलको गीत सार्वजनिक भएको छ। यस गीतमा उनले पहिलाभन्दा फरक शैली दिन खोजेका छन्। उनको गाउने शैली तथा बाजाहरूले गीतलाई सुमधुर बनाएको छ।
यस गीतलाई युट्युबमा सार्वजनिक गरिएको छ। अशिम शाहले यस गीतलाई निर्देशन गरेका हुन्। प्रेम जोडीको कथावस्तु रहेको उक्त गीतमा प्रेमिकाको विवाह अर्कैसँग भएपछि हुने पीडालाई भिडियोमा देखाइएको छ।
उक्त गीतको भिडियोमा अशिफ शाह र रेश्मा घिमिरेको अभिनय रहेको छ। यो भिडियोलाई हरि हुमागाईंले खिचेका छन् भने लोकेश बज्राचार्यले सम्पादन गरेका हुन्।
https://youtu.be/dAxZX2jQNLI
