धनगढी – सुदूरपश्चिम प्रदेश सरकारले आगामी आर्थिक वर्ष २०७६/७७ का लागी कोरा कल्पनामा आधारित भएर बजेट ल्याएको प्रमुख प्रतिपक्षी दल नेपाली कांग्रेसले आरोप लगाएको छ।
सरकारले कृषिलाई प्राथमिकता दिएको बताए पनि बजेटले कृषिबाटै प्रदेशलाई आत्मनिर्भर बनाउन सक्ने केही आधार दिन नसकेको कांग्रेसको दावी छ। संसदीय दलका नेता डा. रण बहादुर रावले सरकारले गत बर्ष सम्पन गर्न नसकेका योजनामा फेरि बजेट छुट्याएको भन्दै आक्रोस पोखे। सरकारले दीर्घकालीन योजनालाई प्राथमिकता नदिई ट्क्रे योजनालाई महत्व दिएको रावलले बताए।
उनले संसदमा अब प्रतिपक्ष कडा रुपमा प्रस्तुत हुने चेतावनी दिए। सरकारका काम कारवाहीलाई सहयोग गदै आएको भए पनि अब त्यस्तो गल्ती नदोहोरिने नेता रावलको भनाई छ।
कांग्रेस सासद भरत खड्काले भन्सारबाट आयात भएको बस्तुबाट आएको राजश्वलाई सरकारको आम्दानी भन्दै जनता लाई भ्रममा पार्न काम गरेको आरोप लगाए। उनले यस वर्ष सरकारले डल्लो बजेट राखेर कार्यकर्ता पोस्ने खालको बजेट ल्याएको भन्दै सरकारको आलोचना गरे।
प्रदेश सरकारले ल्याएको बजेटबारे असार ६ शुक्रबारदेखि संसदमा छलफल शुरू हुँदैछ।
