काठमाडौँ, २ माघ – नेपाली चलचित्र ‘बुलबुल’को ट्रेलर सार्वजनिक भएको छ। फागुन ३ गतेबाट प्रदर्शनमा आउने यस चलचित्रलाई विनोद पौडेलले निर्देशन गरेका हुन्। नायिका स्वस्तिमा खड्का र नायक मुकुन भुसाललाई ट्रेलरमा देख्न सकिन्छ ।
चलचित्रमा नायिका खड्काले विभिन्न भूमिका निर्वाह गरेकी छन्। चलचित्रको ट्रेलर आफ्नो र बजारको रुचिअनुसार तयार पारिएको निर्देशकले बताएका छन्। अविरल थापा निर्माता रहेको चलचित्रको बनोट, कलाकारको अभिनय र कलाको संयोजन ट्रेलरमा गरिएको निर्देशकले बताए।
चलचित्रमा खड्का र भुसाल मुख्य कलाकारका रूपमा छन् भने बुद्धि तामाङ, उज्वल अधिकारी, दीपक क्षेत्री, जोयस पाण्डे, एलिना कार्की लगायतका कलाकारको पनि अभिनय रहेको छ। सुमन प्रजापतिले चलचित्रको छायाङ्कन गरेका छन् भने विनोद पौडेलको लेखन रहेको छ। रामराजा दाहाल कार्यकारी निर्माता रहेको चलचित्रलाई पुरुषोत्तम पाण्डे, अविरल थापा, भीम थापा, र राजु पौडेल मिलेर बनाएका हुन्।
https://youtu.be/KXONssqFatQ
