काठमाडौँ, ३ माघ – चलचित्र ‘प्रेमलीला’को ट्रेलर सार्वजनिक गरिएको छ। माघ २७ गते पोस्टपोन्ड भएर फागुन १० मा रिलिज मिति तय गरेको चलचित्र ‘प्रेमलीला’को बिहीबार राजधानीमा कार्यक्रम गरी अफिसियल ट्रेलर सार्वजनिक गरिएकाे हो। चलचित्रमा नेपाली युवती र एक भारतीय युवकको प्रेम सम्बन्धलाई देखाइएको छ।
चलचित्रमा प्रेम, द्वन्द्व, रोमान्स, बदलाजस्ता विषय मिसाइएको छ। चलचित्रलाई न्याय गर्न अभिनेत्री दीपशिखा खड्काले रियलमै कपाल काटेकी छन्। कार्यक्रममा कथाले मागेअनुसार कपाल मुण्डन गरेको उनले बताइन्। चलचित्रमा भारतीय युवकको भूमिकामा भारतीय मूलकै कलाकार अली खान रहेका छन्। चलचित्रमा अली र दीपशिखा प्रेमी–प्रेमिकाको भूमिकामा छन्। चलचित्रको आधा निर्देशन जनक पाण्डेले गरेका हुन् भने बाँकी दीपशिखाले गरेकी हुन्।
चलचित्रमा दीपशिखा र अलिका साथै प्रभाकर शर्मा, सुरज तमु र रेखा शाहको अभिनय रहेको छ। चलचित्रलाई पवन गौतमले छायाङ्कन गरेका हुन्। हरि लम्साल, महेश खड्का र नबिन कार्कीको संगीत तथा नानीमैयाँ कार्की निर्माता रहेको चलचित्र फैजल फिल्मसकाे ब्यानरमा तयार भएको हो। चलचित्रको कथावस्तु नायिका खड्काले नै तयार पारेकी हुन्।
https://youtu.be/FZsVth7NIf8
