काठमाडौँ, ११ माघ – सलिनमान बानियाँ र मल्लिका महत्तको चलचित्र ‘यात्रा’को फस्ट लुक सार्वजनिक भएको छ। बिहिबार निर्माण पक्षले यसको फस्ट लुक सार्वजनिक गरेको हो।
यसभन्दा अगाडि चलचिको कुनै पनि तस्बिर सार्वजनिक भएको थिएन। चलचित्र ‘यात्रा’ चैत २९ गतेबाट प्रदर्शनमा आउने भएको छ।
चलचित्रको निर्देशन डेब्यु निर्देशक सम्राट शाक्यले गरेका हुन्। यस चलचित्रमा नायक सलिनमानलाई भ्लगर काे भूमिकामा देख्न सकिन्छ। चलचित्रमा बालकलाकारमा अंकित संग्रौला र एन्जल राई छन्।
चलचित्रमा सलिनमान, मल्लिका, सलोन बस्नेत, जान्वी बस्नेत, जयनन्द लामा, रेहर राई, प्रक्षा बज्रचार्य, धिरेन शाक्य, राजाराम पौडेल, विशाल कटवाल लगायतको मुख्य भूमिका रहनेछ।
चलचित्रलाई केशव भट्टराई र सुशील पोखरेलले निर्माण गरेका छन्। कोटकी कालिका देवी फिल्मस् क्रियटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको चलचित्रमा सञ्जय लामाको छायाङ्कन रहेको छ।
चलचित्र ‘यात्रा’मा कविराज गहतराज र प्रविन सिंहको कोरियोग्राफी गरेका छन्। शम्भुजित बाँस्कोटा, प्रतीक पौडेल र कोबित बज्रको सङ्गीत रहेको यस चलचित्रमा बनिष शाहको सम्पादन रहेको छ भने हिमाल केसीको एक्सन रहेको छ।
---2024-09-27T162958.865-1727433921.jpg)
