काठमाडौं — बूढानीलकण्ठ मन्दिरमा श्रीमद्भागवत् महापुराण हुने भएको छ।
बूढानीलकण्ठ विद्याश्रमलाई सहयोगार्थ हरेक वर्षजस्तै यस वर्ष पनि हरिबोधनी एकादशीको अवसरमा उक्त महायज्ञ हुने भएको बूढानीलकण्ठ मन्दिरका (पीठाधिश्वर) स्वामी निगमानन्द महाराजले बताए। महापुराण २० देखि २६ गतेसम्म हुनेछ।
प्रत्येक दिन बिहान ७ देखि ५ बजेसम्म सञ्चालन हुने उक्त महायज्ञमा पण्डित कपिलदेव सुवेदीले प्रवचन दिनेछन्। बूढानीलकण्ठमा प्रत्येक वर्ष कार्तिक शुक्ल एकादशीदेखि पूर्णिमासम्म विशेष मेला लाग्ने गर्दछ।
आषाढ शुक्ल एकादशीदेखि नै भक्तजन बढी मात्रामा बूढानीलकण्ढ दर्शन गर्न जाने भए पनि कार्तिक शुक्ल पक्षका पाँच दिन धेरै भीड लाग्ने गर्दछ।
मेलामा सांस्कृतिक झाँकीसमेत प्रदर्शन हुने छ। आषाढ शुक्ल पूर्णिमाका दिन शयन गरेका विष्णु कार्तिक शुक्ल एकादशी अर्थात् हरिबोधनी एकादशीका दिन जागा हुने भएकाले उक्त एकादशीलाई हरिबोधनी भनिएको हो। यो चार महिनाको समयलाई चतुर्मास पनि भन्ने गरिन्छ।