काठमाडौँ, १४ माघ – चर्चित गायक राजेशपायल राईको ‘लाखौँ खुसी दिए तिमीलाई’ बोलको गीत सार्वजनिक भएको छ। ‘राई इज किङ’को उपाधि पाएका पायलको हालै युट्युबबाट उक्त गीत सार्वजनिक गरिएको हो।
गीतमा गणेश थुलुङ लिम्बूको शब्द र विनोद खम्बूको सङ्गीत रहेको छ। पूर्वका विभिन्न स्थानमा छायाङ्कन गरिएको यस भिडियोमा बरुण लिम्बू, कविता र अनाम थेबेको अभिनय देख्न पाइनेछ।
पछिल्लो समय छायाङ्कनका साथै निर्देशन सम्हालेका भूपेन्द्र तुम्बाहाङफेले निर्देशन गरेको यस भिडियोमा उनकै छायाङ्कन रहेको छ। त्यस्तै हर्क बिष्टको निर्माण र विकास धमलाको सम्पादन रहेको छ।
https://youtu.be/m4eNOkJPVNA
