काठमाडौँ, १५ माघ – बलिउडकी चर्चित नायिका आलिया भट्टले हालै एक अपार्टमेन्ट खरिद गरेकी छन्। उनले खरिद गरेको यो तेस्रो अपार्टमेन्ट हो। २३ सय स्क्वायर फिटमा फैलिएको यसको मूल्य १३ करोड रहेको छ।
आलियाले अपार्टमेन्ट दोब्बर मूल्यमा खरिद गरेको खबर निकै चर्चामा छ। भारतको जुहुमा रहेको अपार्टमेन्टको वास्तविक रकम भने ७ करोडको हाराहारीमा रहेको छ।आलिया बलिउडकी सफल अभिनेत्री हुन्। उनलाई लिएर विज्ञापनदेखि फिल्म बनाउन चाहनेको कमी छैन। उनले गरेका हरेक प्रोजेक्टले व्यावसायिक रूपमा राम्रै फड्को मारेका छन्। तसर्थ, आलियाको आम्दानी पनि राम्रै रहेको छ।
अलियाले अपार्टमेन्ट खरिदमा गरेको लगानीबारे पनि निकै चर्चा चलेको पाइन्छ। उनले बलिउडका धेरै चलचित्रमा अभिनय गरिसकेकी छन्। उनका ‘गल्ली ब्वाई’, ‘कलंक’, ब्रह्मास्त्र’, ‘सडक २’जस्ता चलचित्र रिलिजका क्रममा रहेका छन्।
